مش عارف شو احكي! سيارتي بتحكي انها مش مرتاحه بالعيشة معي وبدها واحد ثاني تكمل حياتها معو .... من بعد ما ربنا رزقني بتوأم وهيه كل ما اطلع فيها بتسمعني حكي على الطالعة والنازلة .... حتى وانا واياها لحالنا بتصير تذكرني بالكارسيتين الي ورا ، كانهم كاتمين على نفسها ...

فانا قررت اني اريحها مني و انزلها على السوق المفتوح وربنا يبعتلها نصيبها.

وترى باين عليك انك انسان محترم وابن عالم وناس وراح تحافظ عليها وتصونها وتضل عروس زي ما هيه .

مع هيك حاب احكيلك شويه تفاصيل عنها قبل ما تلبس وتحكيلي انك غشيتني

...

ترى هيه مواليد ال 2019 واجت من كوريا بسنة 2021 عنا على الاردن

ضلت تلف بشوارع عمان شي 120 ألف كيلو ...

وتراها مدلله مش متعودة على اللفلفه ....

يا دوب من البيت للشركة ... ومن الشركة على البيت.

بسنة ولادتها طلع عندها ريكول بالبطارية مع انو ما عليها اي اعراض، ... فما كذبت خبر ورحت وديتها على الوكالة ... هالحكي بتقدر تقول قبل 3000 كيلو من اليوم وغيرنالها البطارية للمحروسة ولبسناها توب جديد ، ورجعت من عندهم زي كانها عروس بشهر العسل.

ولانها عروس حابب تعرف انها مش متعودة على ريحة الدخان بالسيارة لانها بتخاف على حالها .

بس لما تكون تعبان من الحياة او من الازمة معها افتح فتحة السقف وراح تشوف السماء وتتخيل إنك بتسوق بهاواي.

وترى راح تريحك لما تكون سرحان بالتلفون وتيجي تنصدم بالواقع الي قدامك ... راح لحالها تساعدك وتوقف لانو فيها رادار مانع تصادم وترجعك لاحلامك انك بهاواي .

وفيها نقطة عمياء

وحساسات امامية وخلفية يعني بتقدر تلف فيها يمين او شمال .... وورا وقدام وانت مغمض عينك .

عليها مراي وسط تعتيم ، عشان لما يسلخوك عالي... وانت مبسوط ما حدى ينكد عليك.

وتراها قوية ما بتخليك تزيح هيك ولاا هيك عندها خاصية تحديد المسرب، راح تمشيك على الصراط المستقيم.

ممممم صح ... بدك اتدير بالك منها لانها بتصور كل شي لانو يا حبيبي هاي اجى معها كميرا تصوير أصلية من بلادها، بتصور كل مشاكلك وبتصير تهدد فيك وتقولك "كل شي مسجل".

وكراسيها جلد زي كانك قاعد على كراسي فندق 5 نجوم... مدفية ومبردة! عشان تقدر تعيش الحياة مثل كانك متغطي تحت الحرام بالشتاء، وبالصيف ما تخليك تنزل وظهرك مشوب وعرقان .

وعلى سيرة الدفا عليها هيت بمب عشان اتدفي البطارية بالشتاء وتمشيك اكثر وهاي كثير مهمه وكثير ناس بتحكي عن سياراتها فل وما بتكون موجودة

وبرضو خلينا شوي بالشتاء لانو راح اتدفيلك ايديك لانو الستيرنج تاعها مدفا وما راح اتضلك تنفخ باصابعك كل شوي.

وراح تريحك وما تخليك تتطلع كل شوي على العداد لانو راح تطلعلك شاشة على الزجاج الأمامي، عشان تقدر تشوف الطريق وتبع على السرعة والامور الثانية بنفس الوقت ... بقلك راح تريحك

وعشان احكيلك انها مميزة وفش زيها بالسوق اجى عليها جنط 18 اصلي للكونا من بلادها، مش زي الجنط اللي في السوق.

واكيد بتعرف انها بتضل تتمشى انت واياها لحد ما تفلس من 450 -550 كيلو على نفس واحد لانو بطاريتها 64 كيلو واط

واذا بدك حكي الشركة الي على كتالوجها ... همه بحكو من 260 - 600 كيلو

وانا طولت عليك ، إذا حبيتها .... حاب احكيلك انو مهرها 19 الف وشوي وامورها الصحية ممتازة وما فيها اي مشاكل ومع هيك عملت فحص كامل وشامل بالوكالة !

هيه فل الفل زيك مش ناقصة اي اضافة عليها.

وفحصها 7 جيد بالبلدي وجاهزة لفحص اوتوسكور اذا بدك .

فما تفوتها على حالك وتروح لغيرك

اذا بدك تشوفها يا بتلاقيها بماركا الشمالية اغلب اليوم او المساء بتشرفنا على شفا بدران.